Ka përfunduar betimi i kryetarit të ri të Zubin Potokut, Millosh Peroviq, si dhe asamblistëve të Kuvendit Komunal.
Seancën e shpalli të hapur ssamblisti më i vjetër i Kuvendit Komunal të Zubin Potokut, Sefer Veseli nga Partia Demokratike e Kosovës, duke i uruar mirëseardhje kryetarit të ri Peroviq, i cili mbërriti i shoqëruar nga këshilltarët e partisë së tij, Lista Srpska.
Peroviq bëri betimin, në të cilin u zotua se do ta kryejë “ nder dhe drejtësi” detyrën e tij në shërbim të të gjithë qytetarëve të Zubin Potokut.
Pasi dha betimin, kryetari i sapozgjedhur dhe asamblistët e nënshkruan atë.
Peroviq iu drejtua asamblistëve dhe tha se i pret një periudhë e vështirë.
Në fjalimin e tij, ai deklaroi se zëvendësi i tij është Sërgjan Vuloviq.
Ndërsa, siç raporton Kosovo Online, Milija Bishevac nga Lëvizja Popullore Serbe i dhuroi atij një flamur serb me një mesazh për të respektuar votuesit e tij dhe për t’u shërbyer atyre me besnikëri.
