Daut Haradinaj ka bërë të ditur se Xen Dobroshi, i cili dikur ishte ndër të parët që iu përgjigj thirrjes për liri gjatë Luftës së Dukagjinit, tashmë i është bashkuar Aleancës për Ardhmërinë e Kosovës.
Haradinaj ka vlerësuar rolin historik të brezave që u mobilizuan në atë periudhë, duke theksuar se si të rinjtë, ashtu edhe më të vjetrit, u rreshtuan në mbrojtje të vendit. Ai ka kujtuar se Xen Dobroshi ishte ndër të parët që dha kontribut në kohën e luftës dhe sot, sipas tij, po i përgjigjet një thirrjeje të re: orientimit euro-atlantik të Kosovës.
Sipas Haradinajt, vizioni i ri për Kosovën synon anëtarësimin në NATO dhe forcimin e vlerave demokratike, ndërsa aderimi i Dobroshit në AAK shihet si pjesë e këtij angazhimi.
“Mirë se erdhe në familjen e madhe të AAK-së, Xen,” ka shkruar Haradinaj, duke e prezantuar zyrtarisht si pjesë të partisë.
