Prishtinë – Aleanca për Ardhmërinë e Kosovës (AAK), nën udhëheqjen e Ramush Haradinajt, po synon të kapë të paktën 10% të votave në zgjedhjet parlamentare të 28 dhjetorit 2025 duke theksuar një platformë politike që kombinon politika ekonomike sociale dhe prioritet strategjik integrimin euro-atlantik të vendit.
AAK hyn në garë me një platformë të qartë për rritjen e standardit të jetesës për qytetarët dhe angazhime të fuqishme në fusha kyçe të politikës publike, sipas premtimeve dhe deklaratave të fundit të koalicionit politik që mbështet këtë subjekt.
Paga minimale dhe standardet sociale
Një nga synimet kryesore është fiksimi i një pagë minimale më konkurruese, duke u përafruar me standardet e vendeve të rajonit dhe duke u bazuar në nevojat reale të qytetarëve. AAK e sheh këtë si një hap të rëndësishëm për të ulë emigrimin e të rinjve dhe për të përmirësuar fuqinë blerëse të punëtorëve në vend.
Integrimi euro-atlantik dhe anëtarësimi në NATO
Një tjetër komponent strategjik i programit të AAK-së është angazhimi për anëtarësimin e Kosovës në NATO, një objektiv që partia e sheh si prioritet për sigurinë, stabilitetin dhe vendosjen e Kosovës më fort në skenën ndërkombëtare. Strategjia e integrimit parashikon bashkëpunim të ngushtë me institucionet e Aleancës dhe konsolidim të kapaciteteve të Forcës së Sigurisë së Kosovës, si pjesë e procesit të aderimit.
Zgjidhje në sektorin e energjisë dhe zhvillimit ekonomik
AAK ka promovuar edhe solucione konkrete në sektorin e energjisë dhe infrastrukturës ekonomike, duke përfshirë projekte që synojnë stabilizimin dhe zgjerimin e furnizimit energjetik, forcimin e kapaciteteve të brendshme dhe krijimin e kushteve për rritje ekonomike. Këto masa lidhen edhe me investime në zonat ekonomike dhe nismat që synojnë rritje të punësimit dhe të ardhurave për familjet kosovare.
Në sondazhet e fundit dhe strategjitë e fushatës, AAK-ja shpreh optimizëm për tejkalimin e “pragut” prej 10% të votave, rezultat që do t’i siguronte një prezencë të fortë në Kuvend dhe një zë më të fuqishëm në politikëbërje, veçanërisht në fushat që lidhen me ekonominë, sigurinë dhe standardin e jetesës.
