Toney ishte banori që u eliminua mbrëmë nga gara për çmimin e madh në Big Brother VIP Kosova, duke i dhënë fund rrugëtimit të tij në shtëpinë më të famshme, pasi nuk arriti të sigurojë numrin e mjaftueshëm të votave nga publiku.
Mes pesë banorëve të nominuar këtë javë, ai ishte ai që përfundoi rrugëtimin e tij, një largim që u konsiderua i papritur.
Eliminimi u përjetua rëndë nga Benita, me të cilën Toney kishte krijuar një afrimitet të dukshëm gjatë qëndrimit në shtëpi. Dyshja ishin parë shpesh pranë njëri-tjetrit, duke ndarë momente të afërta dhe përqafime, që kishin ngjallur interes edhe jashtë shtëpisë.
Pas largimit të Toney-t, Benita u shfaq dukshëm e prekur emocionalisht, teksa nuk i mbajti dot lotët.
