Zyrtarja e Vetëvendosjes, Artane Rizvanolli, shfaqet duke përdorur gjuhë fyese ndaj ish-zyrtarit të lartë shtetëror Skender Hyseni, në biseda private me Faruk Mujkën, kryeshefin ekzekutiv të Ndërmarrjes Hidroekonomike “Ibër–Lepenc”.
Në komunikimet që VOX Kosova thotë se i ka siguruar dhe që ndodhen në dosjen e Prokurorisë, Rizvanolli e quan Hysenin “minuk”, ndërsa bisedat dëshmojnë ndikim politik në emërimin e Mujkës, me orientime edhe nga Dejona Mihali e VV-së.
Pas konfirmimit të emërimit, palët diskutojnë mënyrën e menaxhimit të perceptimit publik dhe mediave, si dhe ndikimet në procesin e vlerësimit të konkursit, duke komentuar për kandidatë të tjerë dhe interesa të ndryshme brenda ndërmarrjes.
